【低胸鬥性感】翠如諗定搵細妹造婚紗 袁偉豪見咗女友家長

黃翠如、袁偉豪、陳美詩（Macy）及廖碧兒等出席護膚品牌開幕活動，穿著白色低胸裙現身的翠如，與騷心口的袁偉豪即場試用精華油， 翠如笑指密運中的袁偉豪好潤。袁偉豪大讚女友張寶兒懂得打理皮膚，自己也滋潤對方，又指跟女友媽媽見過一次，因為出騷表演邀請對方來看，更認為佳節可相約長輩吃飯聯誼，翠如聞言後即恭喜對方。 袁偉豪又自爆被翠如嬲，因為失意的時候，適逢兩人合作《使徒行者2》經常見面傾計，被翠如覺得他交了女友竟沒有通知她。袁偉豪說：「我哋拍拖幾個月，未過試用期。（張寶兒媽媽對你印象如何？）我又無問，希望好啦！」對於可有教幾招畀袁偉豪？翠如笑指袁偉豪好叻是女人湯丸，袁偉豪反駁指蕭正楠一樣。翠如說：「蕭正楠都係，但媽媽級、小朋友會冧啲，佢係女仔，你睇佢除衫就知。」 談到性感打扮出席活動，翠如笑指知道袁偉豪一定性感現身，所以不讓對方獨美，搵設計師朋友揀衫。問到可有讓男友蕭正楠過目？她說：「佢不在香港，我諗都唔會傳任何相片給他睇。（可會叫設計師朋友設計婚紗？）無咁諗！我妹妹懂得車衣，如果人生這一刻畀妹妹造衫會好sweet。」