馬德鐘爆兒子冇拍拖應有人暗戀：冇就渣啦

馬德鐘為支持好友出席火鍋店開幕儀式，有經營飲食生意的他表示，暫不會再開食肆，因忙於拍電視劇，亦將往內地拍戲至11月，聖誕節亦會於內地度過，沒時間打理生意。 談到囝囝馬在驤已長大，是不是不用陪同度佳節？馬德鐘說：「唔使，唔好煩佢，各有各生活。（囝囝有否拍拖？）眼見就冇。（拍拖會否話你知？）我諗會，唔使怕醜。（會否擔心太早拍拖？）唔會，都19歲喇。以前冇拍拖，冇出街又冇帶返屋企。（驚嗎？）唔需要太驚，有佢自己生活。」馬德鐘指兒子大部份時間訓練游泳，又要兼顧學業。談到有沒有女仔暗戀囝囝？他笑說：「冇講呢個話題，應該要有，冇就渣啦！」（攝影：張穎芝）