「撒嬌爸爸」馬德鐘挨實阿仔膊頭　王浩信收No.1爸爸獎盃

父親節唔少藝人趁機晒溫馨，就連Man到爆嘅馬德鐘都唔例外，由老婆張筱蘭親自操刀，影低老公同18歲阿仔馬在驤嘅合影。見馬德鐘成個冧樣挨落阿仔膊頭，張筱蘭都搞笑話佢係「撒嬌爸爸」：「世上沒有最好的爸爸只有更好的爸爸！ 你應該是最懂撒嬌的爸爸！父親節快樂！」

另外，王浩信同老婆陳自瑤育有5歲囡囡，今日王浩信開心晒自己收到父親節禮物，有囡囡親手整嘅No.1爸爸獎盃，同DIY心意卡，真係甜到漏。