退休住老人院先睇返自己嘅戲 劉青雲：以免到時冇細藝

劉青雲以宣傳大使身份為電視台節目巡禮主持啟動禮，會上播出宣傳片時，片中除了有小朋友扮青雲，青雲的對白也輕鬆搞笑，包括「唔返學又點喎....攞影帝又點喎....」等，他笑指當然是跟稿讀，貴為影帝的他稱「點敢講！」被司儀問到遇上壓力大的角色如何減壓？青雲笑言會搵人鬧，但很少用這招，都是睇戲多，特別支持本土電影。‬ ‪受訪時，青雲表示仍會到戲院睇戲，但有時趕不及上映時間，在家觀賞也很好，最高紀錄一日連睇2、3部戲，甚麼類型的片種也看，但只會以普通觀眾的心態欣賞，不會以演員的角度分析演技，喜歡舒服地享受。熱愛睇戲的他透露以前拍劇收工回家，仍會睇戲睇到半夜2、3時，經典的《教父》和《的士司機》等更不斷重看到識背，亦不會和太太爭戲睇，因大家口味差不多。青雲謂唯獨不會看自己演出的電影，笑言留待退休後在老人院才看，以免到時無「細藝」，老年時看才能更客觀評論自己演技。‬ ‪提到年青人的趨勢大多熱捧不受時限的收費台，變相影響到免費電視台的收視。青雲謂：「社會不斷在進步，一定需要適應，其實對電影票房也有影響，但這是大勢所趨，相信會有其他的賺錢途徑。正如時下很多人都愛用手機睇戲，但我就不會，因屏幕太細了，我還是喜歡大銀幕，這些都是視乎個人選擇，所以收費電視台仍有其好處，會有捧場客，還可提供給觀眾更多選擇，這點也很重要。」