甄子丹為子女拒再演奸角 劉德華認當爸局限戲路

劉德華、甄子丹、湯鎮業、周麗淇、導演王晶等出席電影《追龍》慶功宴，電影開畫截至昨日港澳票房約1700萬，中港台星馬5地票房直衝6億港元。華仔與子丹對於票房均表滿意，王晶現在才明白畀心機是有回報；華仔說：「以前我成日叫佢畀心機，但佢話大家都唔理我，我話唔係呀，係有回報，佢依家真係明。」華仔直言覺得王晶以前不夠畀心機，今次電影口碑各方面都令王晶予以鼓勵；子丹指王晶日日被人讚。 會否原班人馬再合作？華仔表示他們那個年代的演員電影很重香港味，可以再一齊合作，不過今年不拍電影，明年年底會舉辦演唱會；子丹即說明年底有期，華仔亦即約定對方在其個唱演奏鋼琴，子丹笑言若唱歌的話就要練一下免失禮人，可彈《浪子心聲》，華仔表示也想學彈鋼琴。 問子丹是否不再演奸角？他說：「我諗唔會做，心理關口太重，唔係自己抗拒做反派，而係小朋友接受唔到，亦唔想帶戾氣返屋企，好辛苦好攰，想比較陽光啲。」問華仔當爸爸後，演奸角是否也有包袱？華仔坦言有，就連談情說愛也有點包袱，所以有局限。笑問演和尚？他笑說和尚又不可，或會問「阿爸點解做和尚？」，始終細路仔好多嘢問。提議為卡通動畫配音，華仔說可以，10多年前曾為卡通配音，配廣東話和國語兩個版本，但當年國語不行，配了兩個星期。 王晶表示有些喜歡的場口被迫刪減，會考慮加插在DVD版本，華仔謂很感動可以陪王晶行到今日，得到大家讚賞，一直覺得對方得；子丹自稱好腳頭帶來好運。（攝影：譚志光）