順產成功已出院返家 胡杏兒為餵人奶閉關

胡杏兒昨日還在instagram（ig）貼走佬袋照，留言準備走佬；今日就同老公李乘德（Philip）一齊貼圖文宣佈已誕下囝囝Brendan Lee，好姊妹黃智雯受訪時謂杏兒早幾日已生了B。杏兒透過所屬的經理人公司宣傳部回應：「我哋已經返咗屋企，因為都有啲攰，開始餵人奶，要閉關啦。多謝各位祝福，我哋母子平安，好開心順產成功，感恩！」 至於胡說八道會的5個契媽，胡蓓蔚就話已探B仔，同李施嬅都大讚BB好靚仔，之前她和姚子羚都送了金鐲給BB。胡定欣開心之餘，為讓杏兒休息稍後才探望。黃智雯要開工未有機會探B只看照片。