【有女萬事足】囡囡幫手抹腳感動？華仔甜笑：唔使我講啦！

2017-09-26 09:37

電影《追龍》昨晚舉行首映禮，一眾演員劉德華、甄子丹、黃日華、湯鎮業、周麗淇等均出席外，曾經扮演跛豪的呂良偉亦現身捧場。適逢9月27日是華仔56歲生日，大會預備蛋糕為他慶生，現場粉絲更齊唱生日歌。對於生日願望，華仔大賣口乖指希望《追龍》票房大賣，而且王晶繼續找他演出。華仔亦相當識做在現場大派飛吻，更有粉絲送上壽包為偶像賀壽。談到該片剪輯後少了一小時戲份，甄子丹坦言不清楚刪減幾多，但感到可惜，因為每場戲也嘔心瀝血。華仔坦言相信每位演員也被刪減了20%，更笑謂該片如反應好，叫王晶推出加長版DVD版，若分成上下集上映，但大家的片酬只包一集。在旁的甄子丹笑謂收好平片酬，又直認今次邀請呂良偉出席首映禮，對方是很好朋友。談到戲中扮演跛豪，可有參考呂良偉當年演繹這個角色？他說：「其實我有參考好多，我同他係老死，他沒有刻意畀任何壓力，相信我會搵到路，抄亦無意思，始終大家不同的演員演出來方法不同。」對於生日如何慶祝，華仔表示也是跟家人慶祝，不會太特別，現在亦好少去旅行。提到粉絲聚會上播出的復健過程片段流出，他說：「次次粉絲聚會都有一啲卧底，始終都是開心事。（女兒劉向蕙為你抹腳好感動？）大家睇到，唔使我講啦！（太太等待你能夠起身）留意下佢地啲報導。」隨即華仔叫記者不如集中該片，問到可惜有信心打贏吳京自演、自編、自導電影《戰狼2》，甄子丹說：「唔需要話要打贏任何人，大家是華語片都好，觀眾可以有多一部選擇，尤其是假期剩係睇一部戲好悶啫。」