王菀之賴節日減唔切肥 軒仔為演出剃光腳毛

王菀之（Ivana）與張敬軒昨晚合體在澳門開騷，軒仔在台上自爆為了穿一條很窄的褲要剃腳毛，他笑說：「係呀！我今日冇晒啲腳毛，為咗呢條褲我花咗成個鐘剃晒啲腳毛，因為條褲好窄身又多拉鍊，經常夾到啲腳毛，所以要剃光腳毛！不過講剃腳毛都有掌聲，相信我都係第一人！」軒仔在台上又險當眾甩褲，笑說：「當時我唱唱下歌，突然聽到條褲『啪』一聲，條褲好似鬆咗，幾驚甩褲呀！」在旁的Ivana 插咀說：「你咪賴條短褲，之前你著係鬆，依家窄咗你坐低唱歌我都聽到爆線聲，好在我遮住你。」軒仔乘機反駁Ivana 說：「你點止遮住我，成隊Band都俾你遮到啦。」另外，軒仔在握手環節時被人搶咪，不慎撞傷嘴唇，他笑謂因為有人想搶他支咪，他覺得支咪比他更重要，所以角力下撞到嘴唇。 Ivana就自言大隻是因為健身，說：「其實喺2月香港站係近新年期後，我已經開始戒口，不過我就由紅館完騷後食到依家，所以我減唔切，今次澳門站係中秋節期間，我又食咗好多月餅！」軒仔則自言大隻在下半身，手多多的Ivana就偷襲拍打了軒仔的肚腩一下！