Kay網上遭惡批又醜又肥 張繼聰護妻反擊網民齊撐

謝安琪（Kay）生完第二胎囡囡後，為專心照顧家庭子女暫不復出，她與老公張繼聰不時更新社交平台，分享家庭樂交代近況，也不介意晒素顏做運動等照片。今日阿聰在社交平台貼出有網民在臉書抨擊謝安琪（Kay）整容、醜女及肥的言論截圖，阿聰貼長文力撐老婆：「香港有言論自由，可惜未必每位朋友都有尊重別人嘅修養。我好少放係心更加唔會嬲，不過講我太太，我就講幾句。太陽係喺東邊升起，係唔需要証明，又唔駛討論，因為係事實。就好似我覺得我太太有幾靚一樣！我感激我太太，暫時放低自己嘅事業，承受懷胎10月之苦，無微不至咁照顧我地嘅小朋友。依種已經唔係靚咁簡單，係為人父母嘅偉大。仲有，女士們生完BB，最緊要係調理身體，根本唔需要介意身形。到適當嘅時候，先開始運動配合飲食，你慌唔會fit番？大家放心，我老婆係唔會變番以前咁，而係會比以前更健康，更fit(更靚我就唔敢講啦，因為係我心目中已經好盡吓，不過唔介意再盡d），P.S. 睇見兩位朋友話我整容果個位⋯⋯我笑咗」。 一眾網民都撐阿聰，「我也是、講我就得，講到我老婆仔女邊個都冇面畀」、「好man啊！維護老婆！支持你，我真心覺得kay係好靚喎~英文又好聽！好完美~ 」，亦謂現在網絡世界真的很恐怖，可以不用理會這些人說話。由於阿聰沒打格該網民圖像及名字，有人就貼了該網民的圖像照，引來大批網民取笑，故有人建議阿聰下次可以考慮遮發言者樣和名字，阿聰就回覆說：「 感謝你嘅建議，我今次係決定唔遮佢嘅名。我唔係想佢受到網上欺凌，因為我好明白俾人欺凌嘅感受，佢比（俾）人話我個心都唔舒服，不過我希望俾（畀）機會依位朋友一個機會感覺吓，希望佢下次留言會有另一種選擇」，其他網民亦認同阿聰說，要對方知道上網講說話都要負責，講得出就要承擔後果等。