王菀之赖节日减唔切肥 轩仔为演出剃光脚毛

王菀之（Ivana）与张敬轩昨晚合体在澳门开骚，轩仔在台上自爆为了穿一条很窄的裤要剃脚毛，他笑说：「系呀！我今日冇晒啲脚毛，为咗呢条裤我花咗成个钟剃晒啲脚毛，因为条裤好窄身又多拉鍊，经常夹到啲脚毛，所以要剃光脚毛！不过讲剃脚毛都有掌声，相信我都系第一人！」轩仔在台上又险当众甩裤，笑说：「当时我唱唱下歌，突然听到条裤『啪』一声，条裤好似松咗，几惊甩裤呀！」在旁的Ivana 插咀说：「你咪赖条短裤，之前你著系松，依家窄咗你坐低唱歌我都听到爆线声，好在我遮住你。」轩仔乘机反驳Ivana 说：「你点止遮住我，成队Band都俾你遮到啦。」另外，轩仔在握手环节时被人抢咪，不慎撞伤嘴唇，他笑谓因为有人想抢他支咪，他觉得支咪比他更重要，所以角力下撞到嘴唇。 Ivana就自言大只是因为健身，说：「其实喺2月香港站系近新年期后，我已经开始戒口，不过我就由红馆完骚后食到依家，所以我减唔切，今次澳门站系中秋节期间，我又食咗好多月饼！」轩仔则自言大只在下半身，手多多的Ivana就偷袭拍打了轩仔的肚腩一下！