舊時唔成熟呃Mani 吳浩康獲力撐難忍淚

吳浩康（Deep）將於12月10日假九展舉行演唱會，今日舉行記者會獲經理人霍汶希（Mani）到場支持，Mani在台上語重心長，指Deep經歷高低起跌，身為經理人感覺深刻。Deep表示：「最肉酸嘅相都係我帶挈你。」Mani說：「衰嘢唔好嘢，唔好再講，每個人都有錯過，冇人可以放逐你，只有你放逐自己，行好你嘅路，全英皇上下都會支持你，下一站就係紅館。」 Mani又直指Deep不只呃過她一次，覺得今年Deep成熟了，前幾年Deep媽媽離開了，Deep曾表示感到好後悔，媽媽在世時沒有好表現，亦沒給媽媽幸福。Mani續說當時像Deep半個阿媽，同樣感到好心痛，並鼓勵Deep做好工作和人生，令Deep聽到眼濕濕。 Deep自言為個唱積極操弗，女友Michelle（李昭南）陪做運動很支持，但個唱不會請女友上台，因女友也有音樂發展，不想被人覺得只是Deep女友，這對她不公平。 另外，麥秋成擔任Deep個唱的排舞師，對於緋聞舊愛蔡思貝被指與人夫王浩信在香閨短敍，他說不清楚。談到思貝被指發電廠，他稱：「靚女實多人覺得佢係咁，我相信佢。」