傳與老婆陳自瑤追B有分歧 王浩信搬離愛巢

王浩信近年成功上位，在劇集《不懂撒嬌的女人》憑「Saving」一角人氣上升，在《踩過界》又擔任男一，成為當家小生，再加上管理自家服裝品牌，忙到無時停，與家人相處時間大減。 早前王浩信與老婆陳自瑤已傳出婚變，大家分開住，今日再有指兩公婆依然未住返埋一齊，王浩信與細佬王瑋彤同住維景灣畔，陳自瑤同5歲囡囡王靖喬住日出康城；二人聚少離多，不過王浩信不時會去探囡囡。另外，有指愛大家庭的王浩信想追仔，不過老婆唔肯，加上王浩信工作忙冇時間湊B，兩公婆未能達成共識。