楊采妮快閃回港唔探城城B囡:剛生完好攰唔打擾

楊采妮(Charlie)、謝婷婷、陳嘉容、林建名女兒林煒珽、馬詩慧、姚書軼等出席護膚品牌La Prairie活動，放下孖仔的Charlie表示，因現時仍餵哺母乳，明日便回新加坡。她又表示，今次回港可與母親慶祝生日。至於為何不帶孖仔來港見婆婆？她說不容易，會先讓囝囝乘短途飛機，之後想帶囝囝到台灣探望太婆。 談到孖仔Ignatius和Aloysius，她指囝囝懂得坐、翻身和360度轉，開始試食不同食物，兩兄弟完全不同性格，弟弟會依在哥哥身上，非常得意，餵人奶睡眠不足也是值得。想不想生個女？她說:「唔駛，抱Gigi(梁詠琪)同Aaron囡囡得啦，年紀大唔生喇，佢哋(孖仔)已有伴。」至於何時復工拍戲？她說很想工作和拍戲，但現在小朋友需要媽咪，當幕後還可以，要待囝囝一歲後才拍戲。 對於好友郭富城生B女，Charlie戥城城開心，覺得B女必定是靚女，跳舞會好叻。會否對親家？她笑說:「唔好喇，我有兩個，唔好爭喇，可以做老友。我同Aaron講要enjoy呢段時間，小朋友大得好快，要與太太體驗做新手爸爸媽媽。」由於今次留港短暫，不會去探城城BB，自己是過來人，剛生完BB會很累，不會打搞對方。