同朱千雪一再悲傷結局 王浩信：遺憾永遠最刻骨銘心

王浩信、李佳芯、張振朗等出席無線劇集《踩過界》慰勞宴，該劇早前於內地奪「2017金骨朵網絡影視盛典－年度十大精品網絡劇」，點擊率破4億，王浩信表示很榮幸跟張振朗代表公司赴內地領獎。他直言原班人馬可添食，無論續集或新題材也好。談到劇情盲俠遺棄愛犬，惹起觀眾投訴鼓吹棄養寵物，王浩信自言都是愛狗之人，他絕不鼓吹棄養，劇情會交代盲俠重養愛犬，希眾觀眾多點耐性。他說：「但都會同編劇再檢討一下，點樣交代劇情而又可以正面少少。」至於他與朱千雪於今次不但沒開花結果，結局更比《EU超時任務》悲傷，他笑謂相當佩服編劇，只可無奈說句，只有遺憾永遠是最骨刻骨銘心。 李佳芯就為自己今次表現打50分，自認有很多進步空間。談到焦點每每都在她的性感戲上，她說：「都擔心，好似大家經常會追問會唔會再有床戲？有幾性感？或底線係咩？」問到男友陳炳銓可有捧場？她笑說：「不知道佢有無睇，但聽過他說『你套《踩過界》都幾多人睇喔！』佢做呢行留意都好正常。（留意你性感戲？）咁要問佢喇，可能留意其他女演員呢！」 至於張振朗被指早前飛新加坡陪女友陳芷尤兼見家長，張振朗表示芷尤第一次做電影女主角，需要鼓勵支持。他更透露早就見過芷尤父母，印象不錯，有講有笑像朋友。問到有否被催婚？他說：「我依家工作至上，我無車無樓，又未搵到錢，都無嘢畀到對方，對方都唔放心啦！我哋依家關係都幾好，好似變成一個公開秘密。」（攝影：朱偉彥）