徐榮囝囝1秒變暖男 教細妹包包游水：唔好飲水知唔知？（有片）

徐榮一家很甜蜜！除了爸爸徐榮演技了得，由慈父角色到近期的《超時空男臣》做奸角一樣掂之外，這一家的溫馨度簡直爆燈！上年哥哥徐朗（Karson）要前往巴塞隆拿訓練，臨行前錫錫妹妹「包包」徐心怡面珠道別，就知佢哋兩兄妹感情好好。妹妹漸漸長大，日前仲進行「下水禮」，攬住個水泡仔著上紅色泳衣在泳池浮浮沉沉，運動健將嘅哥哥Karson暖男格浮現，一邊扶住妹妹一邊溫柔指導「唔好特登飲水知唔知？」 有哥哥的妹妹最幸福！當然前提是要像Karson一樣溫柔。妹妹「包包」可愛樣，一直風摩萬千網民，今次的水著look一樣cute爆。影片中，一直看見「包包」雙腳亂踩，攬着水泡毫無方向，戴住泳鏡的哥哥Karson好有耐性，扶住水泡教「包包」，示範如果有水不慎灌入口要如何吐出，「咁樣bu（吐），唔好特登飲水，知唔知？」之後又教妹妹「包包自己踢踢」。 雖然「包包」無乜點望住哥哥，應該話好似無聽過哥哥講乜咁，不過Karson依然笑得好開心。後來「包包」仲一直向着後方媽媽的位置，不停大叫「媽咪媽咪媽咪媽咪」，Karson就順勢叫「包包」用游水的方式去找媽媽，真係十足小教練一樣！