型格亮相倫敦時裝周 倪晨曦遇余文樂開心合影

倪晨曦（Elva）到倫敦時裝周出席活動，展示高貴look及街頭look，百變的她說：「其實我咩類型嘅衫都會想試下，我覺得所有女仔都應該大膽啲試多啲嘢，千萬唔好俾個框框限死自己，你唔試點知自己仲有咩可能性？」Elva在會場周圍同人影相留念，包括好朋友馬天佑、歐陽娜娜與及來自世界各地的Blogger，她笑言以前第一次來倫敦時裝周時好怕醜，影相做訪問都不自然，現在已經習慣了時裝騷會場的氣氛。 Elva這次亦有跟余文樂合照，更指很開心對方成為時裝品牌第一位大中華區形象大使，「見到佢好有親切感，佢唔只著衫有型仲有自己品牌，同時又可以兼顧拍戲，唔簡單㗎。」原來Elva一直都想推出瑜伽服裝品牌，但因為她要求極高，堅持要找到好布料才開始，現在仍然四圍物色布廠，要再做多些資料搜集方能成事。