左擁阿仔右抱包包晒溫馨　徐榮冧爆：Super Happy Day

徐榮育有大仔徐朗同囡囡徐心怡（包包），今日父親節，徐榮左擁囝囝，右抱包包晒溫馨。連拍嘅合照中，大仔專心一意親親爸爸，精靈可愛嘅包包就勁搶Fo，識望吓鏡頭，又勁肉緊貼實爸爸塊面，難怪徐榮成個冧樣出晒嚟啦。

徐榮亦開心留言：「Super Happy Day。一起身就左擁右抱艷福無邊，阿包你個樣需要咁肉緊嘛？#開心爸爸日 #鍚（錫）完要返工 #今晚再慶祝 #Weloveyou #幸福美滿」。爸爸返咗工，徐榮老婆親自影低包包有幾掛住爸爸，踢晒腳仔嗌「 Daddy 、Daddy 」，呢個「愛的宣言」冧到爆啦。