阿Sa扮嗲怕男友作嘔 讚塞紙巾入袋夠體貼

羅蘭、蔡卓妍（阿Sa）、劉鳴煒等人出席《哈囉喂全日祭2017》揭幕禮；身為海洋公園副主席的劉鳴煒相當賣力，巫師look上陣與眾舞蹈員載歌載舞登場，再擔任司儀。羅蘭姐穿上短裙化身俏護士，阿Sa的哈囉喂造型只是載了一對魔鬼角的頭箍，她上到台後也大呼後悔，因大家扮得好認真，相對自己有點hea。 阿Sa受訪時說：「早知我都落力扮喇，唔知道原來個個都扮到咁『行』！（會否和男友石恆聰玩鬼屋？）看10月萬聖節有沒有時間，其實前兩年都有同容祖兒玩鬼屋，玩鬼屋我就唔驚，反而睇鬼片或恐怖片就會驚。（男友是否大膽一族？）佢嘅膽子還好。」笑指女仔在這種環境要扮驚嗲下男仔，阿Sa哈哈笑道：「搞啲咁嘅嘢？我唔做呢啲㗎，剩係做返自己，否則我驚忍唔住嘔、亦怕佢會嘔，我扮唔到『㖿』嗰啲呀！雖然有時我都想女仔啲。（因為被爆去旅行要男友塞紙巾入袋？）咁佢體貼方面係ok，以前我的確唔會帶紙巾喺身，開工就索性帶成卷廁紙。」 提到祖兒日前踢爆杜拜之行，阿Sa經常與男友玩視像傳情，阿Sa只好直認：「久唔久啫，我都好忙㗎，其實我係去做嘢。（也要抽時間和男友溝通嘛。）得，我有分數，其實都唔想多講感情事。」談及結婚、同居、過夜及見家長等話題，阿Sa沒好氣的笑謂：「未結呀，我有自己屋企㗎，大家唔好咁八喇，我有分數，好攰呀，來海洋公園真係好恐怖呀！總之感情事唔想交待咁多，我樣樣都好。」 阿Sa表示之前也有聽過9歲的譚芷昀（Celine）唱歌，讚唱得很好，能躋身準決賽已經好厲害。提到Celine出局，阿Sa指比賽一定有贏有輸，盡了力便OK ，至少現在有很多人看過她的表演，及知道她唱歌很有天份。