李克勤橫風橫雨開工遇天降飛窗：好彩冇中我架車

李克勤今早在10號波懸掛時，依然出外工作，他自言都想休息，但係冇辦法，因為綵排時間密密麻麻，下午排舞、晚上練歌，明日又要飛去外地商演，唯有把握時間在10號風球下錄新歌。 橫風橫雨下，克勤都話遇上驚險事：「架車去到中環，唔知邊度有個窗飛咗落街，好彩冇中我哋架車，一地玻璃碎，架車都吹到左搖右擺咁。」

另外，早前克勤同黃偉文及老婆盧淑儀一齊去東京，為演唱會置裝。試身時，有日籍服務員讚克勤 : 「nice body」 ，令他感到飄飄然好開心。努力健身的克勤亦自誇：「都幾nice㗎，不過黃偉文話鎖骨以下都唔會露，咁操個nice body都唔係為露嘅，為自己體力好啲。」