張敬仁視吳海昕為出櫃對象 王宗堯做攝影師專影醜態

張敬仁（Kendy）及吳海昕（Sofiee）到中醫舖為Viu TV劇集《賤民20》進行拍攝，期間王宗堯現身充當大會攝影師。Kendy笑指連日來的拍攝，與Sofiee的感情「突飛猛進」。

Kendy笑說：「呢日我會形容為拍拖日，因為之前我哋一開拍已經拍咗床戲先，今日終於有機會拖吓手仔、食吓雪糕咁，都好Sweet。（會唔會戲假情真？）嘩！如果我要出櫃我會揀Sofiee囉！」

Sofiee就話自己同Kendy雞啄唔斷講Shopping，計劃去日本旅行：「因為都拍咗成3個月，拍晒就會去旅行，依家仲Plan緊去邊玩，所以日日都捉住Kendy問有邊好去、有咩買！」 講到王宗堯現身做大會攝影師，Sofiee就投訴對方「攝影技術」：「佢係專登影我醜樣嘅一面，仲要擺上社交網站，好煩囉！我有機會一定會拆咗佢部機，或者影返佢嘅醜態㗎！」