孖周柏豪電話亭激吻惹人羨慕 雨僑踢爆毫不浪漫

雨僑以骨妹造型於旺角街頭為電影《西謊極落．太爆．太子．太空艙》宣傳，即場大派靚湯。戲中扮演骨妹阿麗的雨僑，笑言要講不純正的廣東話，搞到大家叫她做「阿賴」，但本身煲湯好叻，因為只放齊材料加水而已。

雨僑說跟周柏豪於電話亭有場親熱戲，令好多人羨慕她可以錫男神。她說：「其實呢場戲好唔浪漫，因為電話亭搭建出來，拍攝時有兩個猛男捉實電話亭，所以好擠迫，而且落雨又大風，又要不同角度拍，但最後兩個Take拍完。」談到拍親熱戲可要向男友羅力威申報？她說：「我有幾部戲都有咁嘅戲，我諗浪漫為主都是老少咸宜。」（攝影：張家宜）