惡戰潮文伯母盧宛茵 周柏豪勁讚霸氣兼好戲

盧宛茵（Madam Lo）年前在公屋潮文網上短片內，扮勢利「伯母」hit盡一時，對住公屋、居屋或者私樓嘅未來女婿，分別可以天同地。在新片《西謊極落：太爆‧太子‧太空艙》中，盧宛茵再演「伯母」，連詩雅帶窮鬼男友周柏豪見阿媽盧宛茵時，期間提到想結婚，「伯母」即連珠炮發「冇得傾、冇可能、唔使講嘢」。

對住充滿氣場的Madam Lo做對手戲，柏豪就說：「嗰日拍見未來外母嘅戲都幾得意，Madam Lo真係好好戲，做外母幾有霸氣，但一cut機就還原善良媽媽，大家雞啄唔斷，有講有笑，所以拍得幾順利。」柏豪扮演網絡打手，在片中敵不過現實問題，他說：「其實我個角色都好寫實，係啲後生仔遇到社會真實面對嘅問題，好似住屋、結婚、生仔，都有好多嘢煩，有時啲長輩又未必明白；不過唔可以一竹篙打一船人，都有啲長輩係開明嘅。」