好姊妹陪做「孕婦」 胡杏兒恨齊齊生B

胡說八道會赴澳洲拍旅遊節目，每日都在社交平台分享新相，寓工作於娛樂，玩得非常開心。眾人繼參拜大肚婆胡杏兒、跳舞後，今日又玩新嘢，「裝假狗」扮孕婦，一字排開挺巨肚。

佗B近6個月的胡杏兒留言問：「現實生活中可以有這樣的情景出現嗎？ 」想同5位好姊妹一齊「中獎」，真係要夾好時間，最重要係幫單身的李施嬅、胡定欣搵另一半。此外，「御用攝影師」定欣密密為好友影相，姚子羚、胡蓓蔚（豹嫂）都有上載靚相，獲網民力讚「定欣影相好靚呀」、「好有感覺」。