【片段】老翁捉野鴿遭師奶大聲喝止 雙方互罵場面火爆

香港不少地方都有野鴿出現，不時有市民餵飼牠們。有網民今日於Facebook上載片段，見到一名老伯在沙田沙角邨捉野鴿，被一名拖著小朋友的媽媽大聲喝止「好喇喎!你捉完未呀!有生命架嘛!」，其後雙方對罵，粗口橫飛，伯伯更一度想襲擊拍片者。 片段上載於Facebook專頁「巴打絲打」，見到一名伯伯於沙角邨大排檔外捉野鴿，其後被一名媽媽大聲喝止，她聲稱留意伯伯已久，質問他「捉嚟做咩」，伯伯反擊「關你咩事，臭八婆!」，媽媽亦不甘示弱「緊係唔關我事，但係你搞啲鴿就唔得」，其後雙方互相指罵，粗口橫飛，其後伯伯更一度想襲擊拍片者，場面火爆。 不少網民均大讚該名媽媽正義，並指「捉野生鴿嚟食好易瀨嘢。」更有網民明確指出香港野鴿受《野生動物保護條例》（第170章）所保護，不能食用。 但亦有網民同情伯伯，指他可能沒有錢買鴿食，「啊伯有錢買就唔使捉啦，你咁熱心就係咁易醒兩舊過佢咪息事羅(囉)，再唔係都係唔該你收聲。」