打擊違泊創商機 月費300元朝九晚六代「睇水」

自警方早前表明雷厲風行打擊違泊後，不少車主叫苦連天，但同時衍生商機。有網民在Facebook上載圖片，指「泊街又想避開差人抄牌？搵我們幫手啦 ! 」指有人僱用大廈保安，星期一至五朝九晚六為泊街的車輛「睇水」，當警察到場時，立即通知車主把車輛駛走，而月費只需300元。 照片所見，該「服務」地點為火炭禾盛街，星期一至五早上9時至12時，以及下午1時至5時，保安均會「睇水」，而星期六則是早上9時至1時，跟足打工仔上班時間。 該招紙寫有一名陳姓「用家」的意見，指他的車輛泊於此街，每月只需700至1000元，「預有時比差佬1至2張，希望此服務幫到大家，每月慳返幾舊」。 有網民認為服務未有幫到車主，「打電話通知有咩用？走到落黎都抄咗啦。」但亦有網民指「百貨應百客，唔係個個都遠」。