項明生首回應非禮案 足本Q&A

項明生捲入涉嫌非禮漩渦，事件震撼全港。經過一夜之後，項明生首次開腔回應有關事件。他表示，自己睡得很好沒受影響，而書展期間有很多瘋狂粉絲。報案的大學男生聲稱在項明生北角的辦公室見工，遭到強吻及被摸下體，東區警區刑事調查隊接手調查，昨天拘捕項明生。項明生現已獲准保釋。今日項明生接受訪問回應有關事件。 問：關於噚晚事件有何回應？ 項：如何回應呢......我覺得今次在書展期中，有很多瘋狂粉絲，追着我、stalking我、facebook上有很多瘋狂fans，但由於呢單案情進入司法程序，我唔會comment，但我相信清者自清，我係一個完全清白嘅人，我無做錯任何嘢。 問：其實會否擔心影響聲譽？ 項：我相信法庭會還我一個清白，相信我自己完全清白，我唔擔心，我噚晚瞓得好好添。 問：會否影響到贊助商？ 項：好開心有幾個贊助商，縱橫遊啦包括其他幾個廣告商，今早message我全力支持我，相信我係清白。 問：你會周圍飛，會否受影響？ 項：完全冇！噚日都問過警方，佢哋話你完全有出入境自由，我都會照繼續我嘅工作，business as usual。 問：你對粉絲有什麼呼籲？ 項：唔好咁瘋狂，好彩或者唔好彩，有好多瘋狂粉絲，我希望大家做返自己應做嘅嘢 問：瘋狂程度如何？ 項：瘋狂程度譬如一定要見佢啦，唔係佢會自殺啦，要攞屋企地址啦，stalking我啦、跟縱我啦，都好多呢啲瘋狂fans 問：宜家涉案人士是否你的瘋狂粉絲之一？ 項：我唔想comment，因為差人都同我呢單案情進入司法程序就唔畀comment。書展期間我都遇到好多好多咁嘅瘋狂粉絲。（按：項明生其後澄清，案件沒有進入司法程序，只是警方調查。） 問：會否影響心情？ 項：咁又唔會嘅，我瞓完一覺之後無事，我今朝收到好多WhatsApp同facebook問候，大家都好相信我係個清白嘅人，好多謝大家。 問：你在facebook憑詩寄意，可否解釋？ 項：呢首詩今朝瞓醒寫，都寫了幾句，「我的一生是本波濤起伏的書，偏偏拒絕平凡俗氣。 命運匆忙把它裝訂得極為草率，狂風一吹就散落一地。 請不要執起泥漿中的隻字，就以為讀完了這本書。 彩雲易向秋空散，琉璃易脆還清白。 願我遠離，一切敵意與危險。 願一切眾生，都遠離敵意與危險。」 呢個都係我心中說話嚟。