Jazz狂踢水開心暢泳 蘇永康：終於畀你發揮

蘇永康B仔展弘（Jazz）4個多月大，肥嘟嘟的萌樣相當趣緻。日前蘇康帶埋Jazz去泰國度假，著上泳裝戴水泡的Jazz在泳池中暢泳，小肥腿踢吓踢吓，口擘擘似乎游得好開心。

見B仔游水游得起勁，爸爸蘇康都話一早知B仔鍾意落水，並留言：「終於有得比（畀）你發揮，由第一次替你洗澡開始到今天終於證實我的推測沒有錯誤，你根本唔怕水！你仲好喜歡游水」網民見Jazz的大力雙腿狂踢水，亦不禁讚「腳仔好有力，好有運動細胞」、「Jazz好叻仔」。