囝囝有中文名啦！蘇永康公開Jazz名為「蘇展弘」

人父蘇永康為蘇家添丁，蘇媽媽有得抱孫，當然心足。原來昨日是蘇康囝囝Jazz滿月之日兼家母生日，雖然冇大肆慶祝，只係一家人留在家中開心慶生，但蘇康就搞笑指媽媽有孫萬事足，連自己生日都唔記得。 蘇康在社交平台上載短片，見蘇媽媽手抱住Jazz，成個冧樣望實瞓緊覺豬的孫仔，仲忘記吹蠟燭及切蛋糕。蘇康仲公開Jazz的中文名為「展弘」，他開心留言：「集中力全在展弘身上。我想，這是她一生人收過最好的生日禮物。媽媽We love you ，身體一定要健康。」