带囝囝落公园散步　黎诺懿小春鸡斗吹水

黎诺懿B仔小春鸡已经3个几月大，开始带囝囝认识世界，成为晒B狂魔的黎诺懿在社交平台分享凑仔点滴，第一课先带小春鸡落屋企楼下个公园睇花花草草，小春鸡睇到成个呆样出晒嚟，流晒口水，好奇地四围望。

第二课就系「牙牙学语」，去公园散完步，黎诺懿陪小春鸡倾偈，将囝囝放在大髀上，露出一双「美腿」，并同囝囝讲「好大只喎你，系咪吖？今日去咗边到玩吖？公园！你宁舍多嘢讲㗎，仲有咩讲吖？」小春鸡见到爸爸撩讲嘢，笑晒口咁「咿咿呀呀」回应，非常趣致。网民都赞黎诺懿「神之马壮之神之美腿～」、「好cute好cute好cute！小春鸡冧死人啦！」