拍床戲揀靚女對手　林作睇中張鈞甯：發夢同佢握手

林作今日再度現身書展，支持律師前輩李偉民的新書。他表示日前公開呻窮，連剪髮錢也慳得就慳，即獲髮型屋贊助剪頭髮，更由一位型女操刀，更笑指要感謝各大傳媒解決其燃眉之急。不過，林作表明要求髮型師只可以剪，但不可以剪得整齊，要保「凌亂美」咁話！

日前自爆被媽咪鬧碌爆卡的林作，又指昨日終於收到幕前工作的收入，馬上到銀行入票「填氹」。問到會否加價增加收入？他自言最近有較大型的經理人公司想羅致他，亦有數部電影邀約。笑問若簽經理人會否應要求拍床上戲？林作笑說：「一定拍，對手一定要靚添呀！（心中女神是誰？）香港冇，我喜歡台灣的張鈞甯，經常發夢跟她握手呢！如果她來香港出席首映之類，我一定衝埋去。」