蕭正楠曹永廉惡鬥如花Look 黃翠如笑男友唔夠靚
2017-07-10 19:20 
蕭正楠、曹永廉一向老友鬼鬼，最愛互窒，二人合作拍的新劇《超時空男臣》即將播映，近日落力為劇集宣傳。曹永廉在社交平台出賣蕭正楠扮女人的相片，並口衰衰地留言：「見到呢張相有嘔吐感覺屬於正常，有想打佢衝動亦合理。」蕭正楠化晒妝著紅色肚兜，戴上花花頭飾，仲要扮Man谷起手瓜，呢個「如花」Look認真重口味。
蕭正楠亦唔執輸，上載男扮女裝的曹永廉搭住蔣志光膊頭的照片，搞笑指：「根據可靠情報，嚇死蔣老師的一名中性演員，又嚇死數名工作人員！到底恐怖程度有幾高？7月17號拭目以待」。不過女友黃翠如睇完張相，反而撐曹永廉「靚」過男友：「我姐姐又出場了，比那火星女人秀色可餐很多呢」。
關鍵字
最新回應