密鑼緊鼓籌備紅館騷　草蜢誓要變瘦蜢晒靚Body

草蜢事隔3年定於11月5-8日再於紅館開騷，為了在演唱會上跳得起，所以要由肥蜢變做瘦蜢，最緊要有靚body示人。蘇志威表示現在起一直要Keep Fit到11月，要精神奕奕兼最佳狀態見歌迷。蔡一傑亦坦言不會令人失望：「形象指導朱祖兒叫我哋要瘦，千祈唔好大隻，因為今次啲衫唔能夠肥，只要有小小肥企喺舞台上係唔好睇，我哋唔可以做肥蜢，一定要做瘦蜢。」

今次開騷前草蜢會推出新碟，同時傑仔亦推出個人專輯，傑仔說：「上一張個人碟已經是13年前嘅事，相隔13年我覺得自己嘅歌更成熟及有深度，而且擴闊咗想像空間，有時音樂好難用言語表達，我哋3個喺呢次演唱會及專輯都有唔少新構思！」