張瞻唱歌獲讚有齊父母超級基因　Kay自拍出鏡搶焦

張繼聰晒完小公主張靖（Karina）冧爆短片及可愛照後，一點都不偏心，隨即在社交平台上載老婆謝安琪（Kay）出鏡自拍10歲囝囝張瞻（James）的唱歌片短送給大家。 片段由坐在車廂前座的Kay揸機，有大半臉出鏡，張瞻就在後座跟英文歌有跟晒節奏有埋動作，Kay都有跟節奏同囝囝互動。張瞻表現不怯場也唱得很好，網民都大讚他「擁有晒兩個的超級基因～優良DNA」、「跳舞似足老竇」、「父母都為他感自豪」、「同老竇一樣條頸都係左右chok」等。另一個焦點就是Kay，網民話「反而被靚媽吸引咗」、「我同女神對視咗一分鐘」、「媽媽個滿足樣先係重點」！至於有網民質疑張瞻沒戴安全帶，阿聰即時回應有，該網民睇真亦確認有。

另外，Kay在臉書貼同老公做Gym照，照片中Kay嘟晒嘴仲有個大芒果，然後是阿聰舉鐵背面照，Hashtag「#你舉鐵時我自拍 #身形的分別已說明一切 #圖中最大隻嘅其實係芒果 #食完個芒果我係咪等於白做 PS: 我哋屋苑入邊有一間小店，個老闆非常和善，今日我哋去gym途中遇到佢，佢送咗咁大個芒果俾（畀）我哋……」。