勸許鞍華戒煙　葉德嫻 :可拍多10年、8年的戲

許鞍華執導電影《明月幾時有》香港首映禮，今晚於九龍灣貿展舉行，一眾演員葉德嫻、王菀之、歐錦棠等出席，不過葉德嫻事前講明不接受訪問。當上台分享拍攝趣事時，葉德嫻即要求調較好音響，又指今次角色扮演周迅母親，但毋需用好多功夫，反而事前不知對方是國內紅星，所以沒有壓力下演對手戲。 歐錦棠在台上大爆跟葉德嫻閒時講衰野，但葉德嫻即否認，又指跟對方自從99年合作後未見過面，大家傾閒計時透露家務助理返去印尼跟老公見面，所以擔心會懷孕。歐錦棠說：「叫佢打007囉。」葉德嫻：「而家已經0.01啦！」此時，司儀即問現時有這麼簿。活動尾聲，葉德嫻代表演員團隊致送「黃金70、明月可待」簽名心意咭給許鞍華，她說：「唔知點解70歲咁犀利，她只要戒煙可以拍多10年、8年的戲。」 煙齡有40年的許鞍華，對於被葉德嫻勸告戒煙，她笑言是好難事，希望能戒到煙，但開工才會吸煙，亦不會在葉德嫻面前吸煙。

王菀之表示跟葉德嫻、周迅及一位小演員有很多對手戲，今次合作好大壓力，但兩人也很好會以眼神及身體語言，令她好投入去演。對於戲中扮演村姑，她笑言接拍該片時也驚，因為扮演角色得十幾歲，跟自己真實年紀細一倍，第一次見導演都問會否以為她好年輕。她說：「導演以為我好細個，但演演19,20歲都ok！但造型真心好鍾意，我覺得藍色紮染衫好有型，仲有烏黑頭髮紮兩條孖辮、面上畫了雀斑同化好淡妝。（老公見過造型？）未畀佢睇，等佢入場先睇。」