帶挈JC拖實張智霖唱情歌 黎明唔準陳小春返閨賀囝囝生日
2017-07-01 22:12 
黎明（Leon）、張智霖（Chilam）及陳小春，於中環海濱舉行「開心幸運里音樂會」，睇完煙花匯演，音樂會於8時40分正式開騷。Leon簽下的19歲女新人JC上台，拖住Chilam合唱《現代愛情故事》，Leon多謝Chilam讓他唱了幾句，之後落了台交了舞台予二人演出。 小春和Leon合唱《友情歲月》前講笑，小春自爆囝囝生日原本不想來，Leon叫他犧牲囝囝生日，小春即說不能，要趕返屋企同囝囝慶祝。黎明笑指細路仔無時間觀念，小春無奈答：「真係唔夠你嚟。」
期後Chilam也指今日是媽咪生日，真是好日子，Leon即拋金句：「因為伯母係大人所以有時間觀念。」隨即向台下大叫伯母生日快樂，小春接著大叫：「阿仔生日快樂。」令Chilam笑指：「我哋全部公器私用！」另外，場內不準帶遮只派雨衣，有不少觀眾淋住雨睇騷，Leon關心觀眾淋濕身會感冒，即場教大家防感冒三大招數：「返屋企飲薑茶、浸浴，另外有一隻日本三合一感冒藥好好，我經常袋喺身。」
關鍵字
最新回應