笑囡囡慳皮唔預備父親節禮物　羅敏莊：送吻都冧爆

羅敏莊為小明星選拔賽擔任評審，囡囡陳禛都有到場，老公陳國邦就去了內地開工，笑指老公早前在泰國剪了個剷青頭後很似澳門賭業猛人周焯華。問她可會擔心老公會似對方一樣多女埋身？她笑說：「我都好擔心呀，但我又無3億的樓，不過不要緊，我有王牌，阿女冧功好勁，所以暫時都ok。」又說阿邦到埗後報平安，囡囡已表示很想念爸爸。

問到囡囡有沒有送父親節禮物？羅敏莊笑指囡囡好慳，送吻已經可以冧爆阿邦，自己都做不到。至於會否再生？她指囡囡早前表示想要妹妹，但她自言年紀大，無精力再照顧多一個小朋友。她說：「細個覺得有很多時間，現在才後悔，年紀大生小朋友不著數，我今年過生日後都43歲，阿邦看上去很嫩口，但都差不多50歲啦。」