【爭產風波】羅老太：匯豐不聽指示 有人有勢力撳住

鷹君（00041）羅氏家族今日召開第三次家庭會議，羅杜莉君（羅老太）於十日前已發信要求召開會議，不過，羅嘉瑞、羅康瑞、羅鷹瑞及羅慧端均以忙為，以書面回覆未能出席。 羅老太於會後特意帶來兩款潮州點心，聯同其他5名子女與傳媒茶聚，97歲的她精神好好，思路清晰，轉數好快。她表示，「告匯豐係因為叫佢買鷹君股票唔買，去年開始叫佢做咩都唔聽，仲寫信話我冇權利。但D錢係我同先生辛苦捱來，我點會冇權。」問及匯豐為何不聽指示，她坦言，「有人有勢力，有人撳住晒」。她亦提及，匯豐有次真係建議俾1億元佢養老，剩低嘅分為九份，「我唔接受囉」。（el） 撳