宣傳情歌密密見坤哥　JW頂唔順：係時候減下

王灝兒（JW）在《明愛暖萬心》中，將與吳業坤合唱新歌《原來只因深愛著》，JW會再跟交響樂團合作，獨唱英文歌 。問到為何不與坤哥一齊唱？她笑說：「唔好啦，夾唔到時間練，佢好忙要拍劇又出新歌。同坤哥見咗好多日，係時候減下。8月又同佢一齊做迷你音樂會，所以自己同交響樂團唔會同佢啦。」 感情已有著落的JW直言肯定不會與坤哥傳緋聞，出歌時亦已跟公司說不要以情侶檔形式合唱，笑指說服不了自己，又怎能說服別人。笑問坤哥很差嗎？她即說不差，還讚對方是個可愛男仔，只是大家並非對方杯茶。她說：「佢都有話身邊嘅女仔會易出事，我完全唔怕傳緋聞，條界線分得好清楚，MV入面佢都只係手指掂我膊頭。」