票價創新高　G.E.M. 9月紅館騷最貴飛盛惠$1980

G.E.M.（鄧紫棋）前年開過5場紅館騷，當年的票價已貴過天王天后，最貴VIP套票票價為$1880。今年G.E.M.再戰紅館，並在面書專頁宣佈將在9月16日開僅此一場的個唱，門票分5種，同樣設有VIP套票，加價加到$1980，令人驚訝。其餘門票則分為$898、$698、$498和$298。 話說前年G.E.M.的VIP套票，保證歌迷坐頭5行、去後台參觀、有太空手帶禮物、率先同G.E.M.的蠟像影相等等，唔個今次加價100蚊，又會有乜花臣？