兩兄妹好似樣　張繼聰放假約會小情人Karina

自從細女張靖（Karina）出世後，張繼聰正式成為「癡漢」，難得昨日打風放假，張繼聰可以約會「小情人」Karina，留喺屋企湊B。有得同Karina增進感情，冧滋滋嘅張繼聰抱起囡囡合照，望實笑到好甜嘅Karina，父愛滲晒出嚟。

囡囡正面靚樣首次清楚曝光，張繼聰再接再厲po埋片，騷吓Karina嘅動態萌樣，當聽到爸爸問「今日開唔開心吖？」Karina有出聲應張繼聰，張繼聰亦搞笑留言：「當你鍾意講嘢到達咗某個境界.....連兩個幾月大嘅女仕都會回應你」。唔少網民都覺Karina似哥哥張瞻同爸爸，好cute cute。