慈父張繼聰餵奶　同B女深情對望甜入心　

張繼聰的寶貝女張靖（Karina）不經不覺已經滿月，囡囡未出世前，好爸爸張繼聰一早預告會成為「癡漢」，愛錫Karina。甚至話過靜靜陪住囡囡瞓覺覺，都感覺到「I am the king of the world」，前世情人威力無窮。 忙完拍劇返到屋企依然精神滿滿照顧Karina的張繼聰，都畀老婆謝安琪休息下，擔起湊B重任，爭取時間同囡囡相處。昨晚張繼聰在社交平台開心分享餵奶相，兩父女深情對望，冧到爆又溫馨。網民亦忍唔住留言大讚張繼聰父愛滿瀉，「四目交投，一切盡在不言中」、「睇見你甜入心」、「慈父樣出哂嚟啦」、「Sweet sweet超級幸福」。