謝安琪兩公婆帶囡囡歎Tea　張繼聰講明將來拍拖要昅實

謝安琪（Kay）3月時為老公張繼聰誕下囡囡張靖（Karina），加埋大仔張瞻，一家四口好溫馨。Kay產後專心湊女，張繼聰密密開工搵奶粉錢，昨日終於抽到時間，兩公婆帶埋囡囡出街歎下午茶。

Kay在社交網站貼出街相，相中有一架印上囡囡英文名「Karina」的BB車，並留言：「第一次跟爸爸媽媽去吃下午茶，好奇的四處張望，沒有哭鬧，很淑女唷」。爸爸張繼聰亦轉發相片留言：「如果他日有男仔約你去tea，爸爸OK㗎... 不過你會發現爸爸坐喺後幾張枱度」，搞笑明示囡囡長大後拍拖也要睇到實。 另外，自從細囡Karina出世後，張繼聰的放閃頻率愈來愈高。不過錫Karina的又怎只有他和Kay？連囝囝張瞻都好錫妹妹，之前張繼聰分享了大仔抱著Karina玩錫錫的相片，閃到網民都大叫可愛。