Kelly Online：女工友打交通揮手又鞠躬　網民大讚「100分」

香港地少人多，無路日頭定夜晚都有唔少馬路要進行修維而臨時改道，變咗單程行車咁，好多要由工友係馬路上協助指揮交通。網友Mandy Wong昨早遇到一名「100分」女工友，嗰位工人不單會向司機揮揮手，仲會為咗阻住司機嘅時間而鞠躬講唔該。 片段係短短4小時便喺群組內熱播，有網民問Mandy是否身在日本，Mandy笑言「可能佢是日本人」又話自己亦係第一次見到咁嘅情況。不過有網友就留言話，平時見到負責打交通嘅工人畀人用不同既方式指責，好似停在地盤門口長響按；將架車駛前令地盤車輛唔能夠出入咁，希望各位司機要多啲體諒佢哋呀!