梁浸浸剪发迎夏天　郑希怡惊讶：开始有啲女人味

郑希怡（Yumiko）囡囡梁浸浸的天然呆表情最得网民欢心，逢亲Po梁浸浸的可爱相，网民都好Like。昨日Yumiko带囡囡剪头发，原来天生鬈发的梁浸浸两年以嚟第一次剪头发，将头发剪短啲，夏天都凉爽啲。Yumiko开心分享囡囡的侧面相，佢都觉新发型令梁浸浸「开始有d（啲）女人味」。

另外，爱做运动Keep Fit的Yumiko，今日就带埋囡囡去做Gym，Yumiko努力做深蹲，细细只的梁浸浸就跑嚟跑去，Yumiko即捉住囡囡当哑铃咁举，画面好有爱。佢亦留言笑梁浸浸好有活力 ：「开始骚扰我做运动啦 #和我一齐做运动 #由细培养 #健康人生 #呢个哑铃都几重」。