獲揼水兩億人仔拍警匪片　麥浚龍徵中女扮裸屍

麥浚龍（Juno）喺2013年執導嘅電影《殭屍》，嚇親唔少入場嘅觀眾，贏得好口碑，更加帶起再拍殭屍片嘅熱潮。最近，Juno籌拍新片《風林火山》，據知呢部新戲一樣有屍體，不過唔係殭屍，而係赤裸裸嘅女屍。

最近，Juno喺社交網絡誠徵年齡介乎35歲至45歲嘅女士，扮遇害人被棄屍荒野。雖然講明女屍係戲中梁家輝嘅太太，但就要光脫脫畀人任影。查實，Juno呢齣新戲喺2015年已經宣佈開始籌拍，仲搵到內地投資公司揼水兩億人仔畀佢使。 Juno要求高，為咗搵演員參演呢部驚世巨作，搞足兩年，今年初終於有定案。除咗搵到影帝梁家輝、男神金城武做男主角之外，影后惠英紅亦落實演出。近年養尊處優嘅楊恭如亦有份參演，卡士陣容非常強勁，不過至今卻還欠女屍一條。