Kelly Online：夏天長駐冷氣房　皮膚乾燥應多食生果

踏入炎夏，不少人都會開冷氣瞓覺，但日頭喺辦公室已經涼足一日冷氣，返到屋企瞓覺又開成晚冷氣，啲皮膚好容易乾燥爆拆。除了放杯水係張床附近之外，飲多啲水同食生果都可以防止皮膚喺長時間嘆冷氣嘅情況下爆拆。 喺冷氣房擺放水確實可以提高相對濕度，但對於長時間喺冷氣房嘅上班族嚟講，防止皮膚乾燥效果有限，補水都係要靠適度攝取水份，並均衡飲食搭配其他營養素，先可以真正將水分鎖喺皮膚切面。 而食生果可以補充四種維生素，一般蔬菜水果水分含量都超過70%，每天適量食用蔬果，可以由內至外補充水分，仲可以攝取美化肌膚維生素A、B、C、E，例如西瓜、香蕉、 蘋果、士多啤梨、波蘿同埋荔枝等等。