Kelly Online：炎夏將至　簡單水鴨湯降降溫

過咗端午節，就代表夏天正式來臨，Kelly就最怕熱，所以同讀者分享一啲健康消暑方法，今日就介紹一款簡易易煲嘅「養胃祛暑水鴨湯」，因為水鴨是生長於水中，性偏涼，亦含有蛋白質、維他命A、維他命B群、鉀質、鐵質等營養，相比起會上火的肉類如牛肉，既可補充蛋白質，又可消暑，可謂一舉兩得！ 而且煮法好簡單，先準備冬瓜一斤、杞子少許、生薑兩片、水鴨一隻，然後將冬瓜連皮洗淨切塊，水鴨斬件出水，並將以上所有材料，加上適量的水一齊煲三小時，咁就大功告成喇 !