阿姐孖王菀之被吊半空扮鎮定　停機即叫：放我落嚟，好驚呀！

汪明荃（阿姐）為慶祝入行50年錄影特輯《2017金曲夜》，得到十位男女歌手群星拱照，計有周慧敏、楊千嬅、古巨基、王菀之、王祖藍等；而阿姐的老公羅家英更神秘現身送驚喜，還上台跟阿姐打氣，拖著手柔情說：「Lisa，加油！」再附送情深擁抱，冧到阿姐笑到四萬咁口！ 作為主角的阿姐當晚預備了逾400萬元鑽飾及多套靚衫登場，並化身白色仙子載歌載舞揭幕，期間更與王菀之分別坐上懸掛在左右兩邊的巨型月亮和星星上，合唱「自由女神」。阿姐坐上的月亮離地8呎高，但王菀之因畏高、乘坐的星星只升高至6呎，且全程用左手緊握著威也不放；原來一個明驚、一個扮鎮定！當阿姐和王菀之被吊上半空後，阿姐問王菀之：「菀之，你點呀？」王菀之緊張直言：「我唔可以講嘢住！」而阿姐演唱時表現淡定，但停機後即說：「快啲放我落來，好驚呀！」另一邊的王菀之接口道：「我隻左手好多汗！」怎料未幾又要重錄再吊一次。事後，王菀之笑道：「希望我唔會驚到穿晒崩！天生畏高都無法，綵排時驚到面青兼出手汗，工作人員特意為我調低高度，但見阿姐表現瀟酒，故也盡力克服不想失禮，因能與這位好前輩合唱深感榮幸、要珍惜機會。」 基仔表示，今次為了阿姐相隔兩年再踏足電視城，他大讚阿姐是殿堂級的女神、很靚，由細看到大，最難忘是阿姐在《民間傳奇》中扮鬼，真的鬼火咁靚！而正忙於灌錄新碟和7月在深圳舉行的個唱，經常要周圍飛，幸好太太可同行，爭取造人機會。