孖汪明荃再合作拍劇　黃宗澤趕戲日瞓兩粒鐘殘爆

汪明荃（阿姐）為無線劇集《溏心風暴3》客串一角，今日跟契仔黃宗澤（Bosco）於沙田馬場拍攝外景，Bosco稱早前阿姐帶同愛心湯水來探班，監製即誠邀阿姐幫忙客串，飾演其生意拍檔。原來這對「母子」自《野蠻奶奶大戰戈師奶》後已近10年沒合作拍劇，Bosco說：「阿姐一來到我就嗲佢，諗住咀兩啖先，因為很久沒見面。（阿姐靚湯好補身？）堅呀！阿姐來探班有靚湯飲。」由於Bosco緊接為網劇《飛虎極戰》開工，故近日要趕快拍畢他於《溏》劇之戲份，令他每天只睡得一、兩粒鐘，見Bosco樣子殘爆兼黑眼圈暴現，幕後人員也為他冠以「黃鐵人」之名。

今次扮演首富前妻的阿姐未有出動私伙靚衫拍攝，只是穿劇組提供之戲服，問阿姐是否心痛契仔捱得辛苦而帶靚湯來探班，她說：「不是呀！之前拍《野蠻奶奶》時合作很開心，當時都會煮餸及煲湯給他飲，難得他在港所以煲給他飲。」問及會否想「母子檔」再合作演劇？她說：「好呀！之前合作得咁開心。」另外，同場的黃長興透露其法國餐廳將於7月開設分店，預計投資6位數（以十萬計）。