白只最Rock一次　孖波多野裕介深夜狂Jam

白只與張繼聰合作電影《今晚打喪屍》，兩兄弟相識20年更首次合唱的主題曲《雙截龍》。白只就與該曲作曲人，即今屆香港電影金像獎「最佳原創電影音樂」得獎者波多野裕介，齊齊於行人隧道跟一班band友拍攝MV。最後波多野裕介與band友更會化身喪屍怒跑，表現拍得住專業演員。 白只本身是樂隊朱凌凌的成員，但今次絕對是他最Rock and Roll的一次，拍攝時更激動到多次揈跌昂貴音響器材及眼鏡，「首歌啲音樂太正，好快就令人投入到嗰種熱血嘅狀態。上次喺錄音室已經好好玩，今次仲full band上陣，阿聰今日要拍劇所以嚟唔到一齊拍，我好肯定係佢嘅損失！」

至於波多野裕介則代替了阿聰的位置，與白只狂jam他們口中的「crazy rock」，玩樂器、跳高、跳舞、扮喪屍乜都做齊，演技夠放，超級搶鏡。「今次我更會挑戰rap一段廣東話，MC波多野in the house，哈哈，希望成功！」 拍攝MV時雖已是深夜時份，但都引來大量途人圍觀，更有少女因聽到波多野裕介講日文，而誤會他們是來自日本的組合！